Kan Mah Pumpak in kan hmang mi Computer Graphic zeitluk Memory dah a si ti zoh kan duh tik ah zeitindah kan zoh lai timi kan chiah piak than hna , a zoh ning zong a fawi te mi a si . Computer caah Graphic memory hi biapi ngai ve mi a si i Graphic Memory a um lo ah siseh rian a tuan lo ah cun Game celh khawh lo tibantuk le Screen Save rian tuan lo tibantuk zong a um ko
Computer a hlun deuh mi pawl Windows thar Install/khumh tik zong ah Graphic Memory rian tuan loin um a hmang . Windows thar install tuah ruang ah Graphic a tlau sual a si ah cun na Computer he a tlak mi Driver Install tuah piak a hau lai .
Na Computer Grpahic Memroy a tlawm deuh ruang ah Game na celh khawh lo ah cun Graphic Memroy Chap khawh a si ( Computer Dawr ah Tuah Ding )
Graphic kong lam cu keimah nakin a thei deuh mi tampi nan um lai ti ka zumh caah saupi ka tial ti lai lo , na Computer ah Graphic Memory Zeitlukdah a um a tanglei ning tein zoh khawh a si
Na Computer ah a um mi Graphic Memory Zoh na duh ah cun Keyboard ah Windows le R kha hmet ti law Run Box On piak
Run Box ah dxdiag tiah tial law OK hmet
Display ah kal piak law Approx,Total Memory ah a um mi kha na Computer Graphic Memory cu a si
Note : Computer tam deuh ah a tel cia mi Graphic Memory hi 256 MB deuh an si , Cucaah na Computer ah 256 MB tiah na hmuh ah cun Game celhnak le a dang dang tuahnak ah a tha ngai mi a si ti theih khawh a si .
256 MB lawng na duh lo ah cun Dawr ah Graphic Memory Card cawk in Chap khawh a si .
Palhnak um si le ngai thiam uh , Computer ah Graphic Memory Zeitluk um ti zoh kan thiam cang lai ti ka zumh
Ka Lawm !