iOS/Apple a hman mi hna nih Kan Phone a tlau tik ah Zeitindah kan kawl lai , Kan Phone a fir tu a umnak tiang kawl kan duh tik ah zoh khawh a si maw? iOS/Apple a ngei mi poah nih a tanglei hi tuah piak khawh ah cun a tha tuk tiah ka ruah , iOS/Apple A tlau tik ah kawlnak hi Apple Company nih Settings ah a telh cia mi a si caah Zeibantuk App hman piak hau loin tuah khawh a si a thiam cang mi tampi kan um lai ka zumh a thiam rih lo mi hna nih a tanglei ah hin zoh khawh a si
iOS/Apple A tlau tik ah Kawl khawhnak ding Caah na Phone ah Remh Ding Pa 2 A um :
- Find My iPhone On Piak
- Location Services On piak
Fine My iPhone na On ding a si ah cun Na Phone ah Apple ID na ngeih hmasa a herh , Na ngeih rih lo ah cun a tanglei Link ah hin Apple ID tuah law na Phone ah Nangmah pumpak in na tuah mi Apple ID khumh piak hmasa
Mi nih tuah piak mi Apple ID Hman lo
A Cunglei ah Apple ID tuahnak Link ah hin Apple ID na ngeih rih lo ah cun tuah piak hmasa , Password philh hngah lai lo :)
ka tial mi a tam tuk cang rua , hi kong hi cu tial hau tuk mi cu a si lem lo nain a thei rih lo mi kan um sual ah ka tial bia a si
Find My iPhone On Ning
Na Phone Settings ah kal law iCloud timi ah lut piak
iCloud ah Find My iPhone kha Off a tuah ah cun On piak
Find My iPhone Na On dih tik ah Send Last Location zong On piak chih a cunglei hmanthlak bantuk in
A Cunglei Ning tein na tuah piak dih a si ah cun Find My iPhone Tuah mi na tlim cang ,
Find My iPhone Lawng na On ah cun na Phone a tlau tik ah a umnak tak tak Location kha tha tein na hmu kho lai lo Caah Location Services On piak a herh
Na Phone Settings ah kal law Privacy ah kal piak than
Location Services Off a tuah ah cun On piak ding
Orhlei ah thial piak
a tu bantuk in Location Services Na On piak ah cun tlamtling Cang ( Location Services On piak hi Phone Battery cu a dih a fawi deuh )
A cunglei bantuk in Find My iPhone le Location Services Na On dih ah cun na Phone a tlau tik ah Computer ah Browser Hman in Na Phone a umnak kha zoh khawh a si i , na Phone Chung ah a um mi File Vialte Delete tuah na duh zong ah tuah khawh a si a tanglei ah hin a kawl ning zoh hmanh
Hmasbik ah Na Phone Kawlnak ding Caah : https://www.icloud.com/#find
Na Phone kawl ding a si caah na Phone ah na Khumh mi Apple ID le Password hman piak in Login tuah piak
Login an tuah dih bak ah chikhat hngah piak law a cunglei hmanthlak na hmuh lai , A Cunglei Hmanthlak hi nan fiang lo sual ah tiah a tanglei ah fiang deuh in kan chiah piak hna
Kehlei Kam ah na Hmuh mi - le + hi na Phone Umnak Maps kha Ngan ter le Hmet ter nak ah hman khawh a si
Orhlei Kam ah hin Phun 3 in na hmuh lai ,
Play Sound Na Phone kha A fir tu pa pawng kam nih theih hna seh tiin Ring ter hi a si
Erase iPhone hi cu na Phone Chung ah a um mi Data Vialte Delete tuahnak a si
Na Phone Umnak na zoh tik ah a fir tu pa hi Nazi/Minutes Zeizah dah hi ka hmun ah hin a um cang ti zong kha theih khawh a si
Fiang deuh nangmah Pumpak in test ve te , Kei nih cun a si ning lawng kan fiang hna bia a si nan dih lak cung ah ka lawm , tlamtling lonak a um sual ah cun ka ngai thiam te uh
