Windows Device Driver Search DanI Motherboard emaw, hardware dang hrim hrim pawh a driver i neih toh loh emaw, a hardware hming/company/model i hriat toh loh chuan hetiang hian i search dawn ania. (Windows 7 a tihdan bik step-by-step ka sawi dawn a, XP ah pawh a danglam em2 hran lo, Device manager i hawn thiam chuan a tawk mai)
Steps:-
1. Desktop a Computer kha Right-click la, Properties->Device Manager (emaw Computer Right-click->Manage->Device Manager) ( Device Manager alo in hawng ang)
2. I device/hardware a driver i neih loh (install loh) zawnah kha Question Mark eng (yellow) a lo awm ang. ( A in expand sa loh chuan vawikhat click a ngai mai thei).
3. Question mark awmna ah khan right click la, properties ah kal roh.A dik chuan tab hran hran General, Details, Resource tih vel a lo lang ang, Tah khan Details tih tab kha i click dawn nia. (Right-click->Properties->details)
4. Details tih tab i click chuan a hnuaiah khan Property tih leh Value tih inziak i hmu ang, Properties tih hnuaiah khan select theih in Device description tih a awm ang, kha kha click la, Hardware Ids tih i select dawn nia.
5. Hardware Ids tih i select khan Value tih hnuaiah khan thil a rawn inziak ang (e.g: PCI\VEN_8086&DEV_100F&SUBSYS_075015AD&REV-01 tih ang hi) PCI device anih chuan PCI\ tiin a intan ang a, USB device anih chuan USB\ , khatiang zel khan HID\ MONITOR\ te pawh a awm ang a device a zir in.
6. A pawimawh ber i chhinchhiah tur chu ( a chung a example PCI\VEN_8086&DEV_100F&SUBSYS_075015AD&REV-01 khi hmang ta ila) PCI\ tih leh &SUBSYS tih inkar a inziak khi a nia, a chung a example ah khi chuan VEN_8086&DEV_100F tih khi a ni ta a, ziak chhuak la chhinchhiah ang che. ( USB device anih chuan USB\ tih dawt chiah ami kha ani leh mai a)
7. I browser hawng la, http://devid.drp.su/?l=en site ah hian kal la, a Hardware Ids i chhinchhiah (e.g: VEN_8086&DEV_100F ) kha a search box ah i paste ang a, search driver tih kha i click dawn nia. ( A hnuaia radio button ah khan DevID tih a in select loh chuan i select phot dawn nia search hma in)
8. Search Driver tih i click zawhah khan a hnuaiah a driver chu a lo lang toh ang, I windows hman a zir in a OS kha i select ang a, a driver i duh duh ( a thar thar) kha i download toh mai dawn nia. ( A piah a Floppy Disc lem kha download na)
P.S:http://devid.drp.su/?l=en ah hian a lem nen a tihdan chu a awm a, mahse a lem ah hian tawng dang (Russia??) an hmang a chuvang in mizo tawng in ka lo let a ni e. Ka lawm e.
