A Cung Lei Na Zoh I Na Bat Caan Ahcun A Tang Lei Zong Van Zoh Than Ko

Motor dawh dawh , inn tha tha le phone tha tha a tlaih mi na hmuh hna ahkhin na hngar hna i na lung nuam lo tawn maw? A thil hruk a rem i a dawh tukmi pawl na hmuh hna ahkhin na hngar tawn hna maw? Inn ah Sky Net hmanh ka ngei loh tin na lung rawk tawn maw? Cu ti siahcun a cung lei na zoh nak le na hngarnak hna a tam ngai cang .Nang thlahlawh tha ten na ngeih lio caan ah khan zaan riah ei awk hmanh ngei lomi an um khah. Iphone ka tlaih kho lo na ti lio ah khan phone ngei kho lomi hmanh an um khah

Kedan ka cawk kho lo na ti lio ahkhan na kedan a hnawt in rawl voi khat a eimi zong an um khah. Ka mit a dawh lo na ti lio caan ah khan thla lang chung aha mah le mah hmanh a hmu kho lomi mit caw hmanh an um khah .
Nang kut ke tlam tling ten mi hmai ah duh tawk in na um kal lio ah ning zak tuk in mi hmai hmanh ah a chuak ngam lomi an tlamtlin lonak thuh in a ummi an um khah. Nang na nun lio ah a thi mi an um kha philh hlah.

Mi van tha tak na si hih! A cung lawng te na zoh i na lung der tuk lio caan ah khin a tang lei zong van zoh than ko. Zang fak ding mi minung le bawmh awk minung hi na tang ah an um rih ko . A zungzal a tang zoh law zei hmanh tuah zuam lonak lung thin cu ngei hlah ti ka duhnak a si lo . Hakkauhnak in na khat peng ahcun lawmh/nuamhnak na hmu kho lai lo i nangmah le nangmah na sinak hmanh kha hngal lo in na um sual lai .

သူစိတ္ဓာတ္က်တိုင္းဖတ္ဖို႔ Cakuat Chung In Lak Mi A Si

Sponsored AD