Minthang Golf tuk thiam Tiger Woods cu Florida ah zuu rit buin motor a mawngh caah may 29 zing lei ah an tlaihnak kong kha palek leiin an chim . Tiger Woods cu suimilam tlawmpal lawng an tlaih i an thlah than nak kha Palm Beach County palek leiin an a min an tial nak kha hmuh a si.
Anmah ram thawngpang ning in cun Tigeg Woods cu an mah lei zing sumilam 3 ah an tlaih tiin an chim . Kum 41 simi a hlan ahcun vawleicung Golf tuk thiam pakhat a simi Tiger woods cu a kenglei fahnak in a dam deuhnak le a ngandamnak kong kha online ah may 24 ah a rak tial cang .
Loading...
A kum in a tuarmi fahnak cu a khuai/hlai hnu ah a dam cang tiin Tiger Woods nih a chim . Golf tuk zuamnak ah tel khawh ka zuam ko lai nain rianrang in cun a si rih lai lo tiin Tiger Woods nih a chim .
"Golf tuk than ka duh rih ko sinain a tu cu a si rih lo , hni hnu thla hnih /thum chung cu ka tai hi ka mer kho rih lai lo. A bik in ka ruahmi cu ka hma tha tein a damnak ding caah a si i Doctor te chim ning in zulh ka zuam ko lai " tiin Tiger Woods nih a chim.
Golf tuk zuamnak ah voi 14 champion a co mi American Golf tuk thiam Tiger Woods cu a dam lonak ruang ah thla 15 chung Golf tu kho loin a um i nikum December thla ah a hma cu a dam . Asinain Febuary thla ah a tai le fah kha a thawk than caah golf a tuk ti lonak a si .
Tiger Woods cu 2003 hnu Golf tuk zuamnak ah teinak a hmu lo nain 2008 ah US open champion a co hnu in a dang laksawng a co ti lo tiin theih a si .
Source & Photo: CNN, BBC
Sponsored AD
