Rakhine Media Editor A Tuan Mi ကိုေနမင္းေအာင္ Tlerh Khawnh A Tong

Rakhine hriam tlai phu thawngpang tial tu စစ္ေတြၿမိဳ႕  ah a um mi thawng zamh tu နမင္းေအာင္ (ေခၚ) ကိုမင္းမင္း cu a nunnak ah tih phan awk si mi tlerh khawnh nak ca a hmuh tiah an theih .

RIA tin an auh mi Root Investigative Agency thawng zamhnak a dirh tu Editor နမင္းေအာင္ (ေခၚ) ကိုမင္းမင္း cu a umnak hna i a cawlcang deuhmi pawl an tlaihnak hna cu hriam tlai pawl he pehtlaihnak an ngei tiin April 10 ah a zamh hnu in tlerhkhawnh nak ca a hmuh hi a si .

 "Chin News Update"  >> DOWNLOAD <<

Mah a tial mi he pehtlai in April 21 ahkhan theihternak a tuah ah khan tlerhkhawnhnak ka ing ti kha a telh chih ."Ral ring tein ka um, zarhkhat ah ni hnih lawng zung ka kai.A sining zoh in a si khawh chung in inn tu in ka rian ka tuan " tiinMin Min nih  a chim .

March 10 , 2016 ah Sittwe i ka inn i bom puah nak ka rak ing i cu lio zong ah an rak puah hlan hin a tu bantuk in tlerhkhawnhnakca hi ka rak hmuh hmasa tiin theih a si.

akhine hriam tlai le ralkap pawl nih mipi cheu khat kha an tlaih hna i thil phurtu ah an rak hman hna ti ka rak tial thawk in tlerhkhawnhnak hi ka rak ing hi a si. A tu cu an ka tlerhkhawnh than tik ah tihnung ngai cu a si ko tiin Min Min nih a ruah .

A ka tlerhkhawnh tu hi Rakhine hriam tlai he an i pehtlaihnak um le um lo cu a dik in ka chim kho lo nain a tlerhkhawnh tu hi hriamtlai phu nih hna tlak mi dawh a si cu Min Min nih a chim.

Security tha ngai ding le a inn zong ah Camera chiah ding in Media Council nih အိမ္ရာဖြံ႕ၿဖိဳးေရး ဦးစီးဌာန၊ စစ္ေတြၿမိဳ႕နယ္ဦးစီးမႉး ဦးမ်ိဳးျမတ္ဟိန္း cu a chimh ko nain a tu tiang cu zei hmanh umrih lo tin theih a si .

"Min Min he pehtlai in tihnung le har ngai cun a um cu ka hmu lo tin စခန္းမႉး nih a ti . Phone a ka chawnh ahcun a herh ning poh in a sin kan phan ko lai . Phone zong in pehtlaih nak kan ngei ko " tin a chim rih .

Cung lei in timhlamh piakmi humhimnak a um rih lo caah ral ring in ka um ko lai tiah Min Min nih a chim .

Credit:ေအာင္ၿငိမ္းBurma.irrawaddy

Sponsored AD