Facebook a hman mi poah nih News Feed cu kan theih dih cio mi a si ko , Facebook kan on bak in rel kan zuam tawn mi le zoh kan zuam tawn mi Page Like kan tuah mi le Follow kan tuah mi pawl nih a kan tial piak mi Ca/Hmanthlak pawl zoh cio a si , Cu bantuk kan uar ning cio in Facebook Page Thawngpang tialnak siseh a dang dang Like le Follow kan tuah cio hna i Facebook kan on tik ah Like le Follow kan tuah mi hna nih an tial mi poah fawi tein kan hmuh khawh , Facebook Na On kaa te ah Like le Follow na tuah mi hna sin in Thawngpang thar an tial thar mi na hmuh lonak a ruang cu a tanglei ah hin ka van langh ter
Hlan Lio Facebook le a tu Facebook a dangnak bik cu Page Like na tuah mi siseh , Pumpak Account
Follow na tuah mi siseh an tial thar mi bak hmuh cawlh peng na duh ah cun Like Sawh sawh le Follow tuah sawh sawh men in hmuh khawh a si ti lo , Hmuh khawh cu a si nain a tu an tial bak ah a tu na hmuh kho cawlh lai lo , tlai hnu pi ah na hmuh te lai
Cucaah Facebook Page Like na tuah tik ah siseh , Na tuah cia mi Facebook Page ah Ca Thar an Post bak in Hmuh cawlh na duh ah cun a tanglei bantuk in tuah khawh a si
Nangmah Pumpak in Thawngpang Thar hmuh cawlh na duh mi Facebook Page ah kal piak hmasa , Like na tuah rih lo ah cun Like kha hmet dinga si lai
Like na hmet dih hnu ah Following timi na hmuh lai , Following timi ah hin mah duh thim khawh a si
Following kha hmet law a tu bantuk in Unfollow , Default , See First , tiin na hmuh lai
Unfollow hi cu Ca an tial thar mi hmuh duh lo tik ah hman khawh a si deuh
Default hi cu Ca an tial thar mi a um tik ah na sin ah a phan cawlh lai lo , a duh tik caan poah ah a phan te lai
See First hi cu Hi Page na Like mi nih Ca thar an tial bak in an tial mi hmuh cawlh na duh tik ah hman khawh a si
Cucaah Ca an tial thar mi poah rel,zoh cawlh na duh mi Page cu Following hmet law See First thim piak Ca an tial thar mi a um bak in na facebook ah na hmuh cawlh lai
Page Like na tuah mi See First na tuah ah cun a cunglei bantuk in na hmuh lai , a tu bantuk in na tuah ah cun Thawngpang thar an tial mi poah an hmuh cawlh lai
Page lawng si loin Pumpak Account zong Follow tuah tik ah thim khawh a si ve
Pumpak Account sin ah See first tuah na duh ah cun na Facebook Menu ah kal law News Feed Prefernces ah kal than
Prioritize who to see first ah lut than
hi ka ah nangmah na duh mi hna kha See First tuah in Ca an tial thar mi poah na hmuh khawh cawlh lai
See First na tuah mi sin ah Arfi na hmuh lai
A tu bantuk in Page na like mi siseh Pumpak Follow na tuah mi sin in Thawngpang Thar hmuh cawlh na duh ah cun See First thim piak hmasa ahau
Ka lawm
Sponsored AD