iPhone A Hman Mi Hna Nih Kan Phone In Gmail Account Tuah Ning !

Tuzanlei Mail Chung ah Cakuat a um i Zaangfahnak tein Apple ID Tuahning na kan tial piak kho hnga maw? tiah bawmh halnak ka hmuh , Apple ID tuahning tak tak ka tial hlan deuh te ah iPhone a hman mi hna nih Zeitindah Gmail Account  kan mah tein kan i tuah khawh lai timi tu kan chiah hmasa lai , a ruang cu Apple ID tuahnak ding Caah Gmail Account ngeih a herh hmasa caah a si i a thiam cang mi kan um ko lai nain Thaizing ah Apple ID Free tein tuahning ka tial ding he a pehtlai caah gmail account tuahning a thiam rih lo mi kan um sual ah a tanglei ah hin cawn hmasa hna u sih

Hmasa bik ah na Phone App tampi lak ah Settings timi ah khan kal piak 

Settings na lut tik ah Mail ,Contacts,Calendar timi na hmuh lai mah ah khan lut piak than 

Add Account timi ah kal piak a ruang cu gmail Account thar tuah ding kan si caah a

Gmail cu Google he a pehtlaih mi a si caah hi ka ah hin Google timi kha hmet 

Gmail Account Thar tuah ding kan si caah More Options ah kal piak than 

Create New Account timi kha hmet than 

hi ka ah na min tial ding a si i na min hmasa bik le a hnu bik tial piak hna 

First Name ah Na Min Hmasa tial law Last name ah Na Min Hnu bik tial , zeiti na tial zong ah a poi then lo

Na Chuak Ni thim ding a si , na chuak ni tak tak tuah na duh lo zong ah a poi lo nain na cinken khawh ah cun a tha 

Na thim dih tik ah Next ah kal piak than 

Hi Ka hi a biapi ngai mi a si , Username ah hin Mi nih an pek cia mi tial a hngah lai lo , Cucaah nangmah na min maw a si lo ah mi nih an tuah bal lo mi pek 

na tial dih a si ah cun Next ah kal than 

Password hi a biapi ngai philh a hngah lai lo , Cun Password kan pek tik ah Hmasa bik kha Cafang ngan mi in tial piak

Tahchunnak ah Password kha mgmgayeaye tiah pek na duh ah cun

Mgmgayeaye011 tibantuk deuh in pek khawh i zuam

Cafang ngan mi le Number  atel ah cun Security a tha deuh ka ti duhnak a si

Na tial dih tik ah Next ah kal than 

Phone Number Khumh zong ah a poi lo nain SKIP in kal khawh zong a si ve 

I Agree timi kha hmet piak 

Next

Tlamtling tein Gmail Account na tuah khawh cang tinak a si 

Zeitindah Apple ID Free tein kan tuah khawh lai ti cu thaizing ah ka tial than te lai , Chin IT Ah ka tial mi hna hi kan hawi dang hna caah a tha hnem lai tiah na ruah ah cun Facebook Cahmai ah Share ka philh hrim hlah uh tiah kan nawl hna 

Nan dih lak cung ah ka lawm , Mang Tha Uh!

Sponsored AD